ssnews एकठन पटवारी के पीरा कइसे हमर दुखड़ा, अउ कइसे पीरा संगवारी, दिनभर काम करे के बाद भी गारी खावत हे पटवारी
स्वराज संदेश बिलासपुर।ए पटवारी के पीरा
कइसे हमर दुखड़ा, अउ कइसे पीरा संगवारी,
दिनभर काम करे के बाद भी गारी खावत हे पटवारी,
बेरा के नई हे ठिकाना, दिनभर हल्का म जोजियावत हन
टिका लगवाए बर जागरूक करके भी गारी खावत हन
टीकाकरण के परसेंट कमती होइस, त गारी खाहि पटवारी, अउ परसेंट बढिस त क्रेडिट ले गे अधिकारी
नाका में भी खड़े होके भी करत हे चौकीदारी,
बिना किट कोरोना ले दिनरात लड़त हे पटवारी,
पइसा के चक्कर म आदेश ल अटकावत हे अधिकारी,
अउ पेंडिंग होगे सब काम करके गारी खावत हे पटवारी
काम अटकावै बाबू, और पइसा खावै अधिकारी, गलती करै प्रशाशन, अउ बदनाम होवै पटवारी
बिन पइसा के एक ठन साइन नई होवै, अइसे नियम बन गे है सरकारी
सब्बो मिल बांट खावत हे नेता मंत्री, बाबू अउ अधिकारी,
हज़ार रुपिया म साइन करहु, अइसने रेट बना दे हे सहाब अत्याचारी,
भले जग म बदनाम होवे, या ससपेंड हो जावे पटवारी,
सब्बो दहान के प्रपंच ल झेल, निभावत हे अपन जिम्मेदारी,
पूरा तहसील ल अपन कंधा म बोहो के, चलावत हे पटवारी।
Previous article
Next article
Leave Comments
Post a Comment